Dood tref die familie –
hartstilstand en stilte

swart kringe om die oë
grys kringe om die mond
somber kleure aan die hand

stil is sy stem
veraltyd

verdwaas maal almal saam om die oop donker gat

stadig sak die kis
in die pens van die aarde
om sy vonds tot stof
te laat terugkeer

jy’t laaie oopgetrek
wat ek gesluit het
nou los jy hulle weer oop
en weer leeg

Ek bui my knie vir die heer Tulbagh.

Sielsmarterling is al die musea
en kelders vol wyn,
maar De Oude Drostdyhof se poskaarte verskil
van die meubels in die vertrek!

‘n Duisend folios,
drie-duisend woorde
en
twee name,
– vier woorde –
en
een
geluk

Moederstad,
raas met jou kind
waarop die meeue sweef
en jou besoekers steier.

Is jou kind dan siek,
toegewoel in ‘n wit kombers?
Al daardie medisyne,
troos dit darem?

Jou badwater is sout
en jy’t te veel speelgoed daarin.

en die kasarm van ‘n kasteel,
dra jy dit met trots –
maar is dit nie swaar?

skreiend –
ten hemele skreeu dit:
“Die onreg teen ‘n kind!”

rou leed
oor haar gesig gekrap

oë wat skreeu:
“Dis onreg teen ‘n kind!”

vandag, vanmore, vanaand
voel ek soos albatros
hoog
in stormlug
rondslinger-slinger

Lugstrome swiep
weg,
laat v e r w a r d.

Vanaand
voel ek soos ‘n albatros
oor ‘n onstuimige see
hoog
in stormlug
rondslinger-slinger

Lugstrome swiep
weg,
laat v e r w a r d.

einde van die maand.

inkopies by picknpay.coza / tuisaflewering
kliek-kliek
banksake by twenty20.coza / geen fisiese takke
kliek-kliek
sosiale kalender by IOL
kliek-kliek
gesels met vriende / kollega langsaan
kliek-kliek

einde van ‘n interaktiewe maand
kliek.